Ардчилсан нам хоёр хуваагдаад хоёр тамга, хоёр даргатайгаар хоёр ч сонгуулийг өнгөрөөлөө. Энэ хугацаанд асуудал нэг талдаа шийдэгдэхгүй явсаар шүүхийн хаалга татсан ч тусыг эс олов. С.Эрдэнийн АН уу, аль эсвэл Х.Баттулгын АН албан ёсных уу гэдэгт төөрсөн энэ үед Ерөнхийлөгч У.Хүрэлсүх өөрийн мөрийг Х.Баттулгын талд тавив бололтой.

Өнгөрсөн бямба гарагт Ерөнхийлөгчийн тамгын газрын дарга Я.Содбаатар, Х.Баттулга даргатай Ардчилсан намын удирдах зөвлөл, УИХ-ын гишүүн А.Адьяасүрэн тэргүүтэй намын удирдлагууд оролцож “Улс төрийн намын тухай хууль”-ийн шинэчилсэн найруулгын төслийн талаар хэлэлцэж, санал солилцжээ. Тэд УИХ-ын сөрөг хүчний зүгээс оролцсон бөгөөд намын зүгээс нэгдсэн саналыг хуульд нэгтгэхээр шийдвэрлэсэн байна.

Т.Мөнхжаргал