“Монголын Тогтвортой хөгжил, нийгмийн хариуцлагын зөвлөл” ТББ-ын зөвлөх баг Байгаль орчинд нөлөөлөх байдлын үнэлгээнд олон нийтийн оролцоог хангах, оролцогч талуудын хамтын ажиллагааг сайжруулах зорилгоор гарын авлага боловсруулж, цахим сургалт зохион байгуулах зөвлөх үйлчилгээ хэрэгжүүллээ. Уг гарын авлагыг АМЕП төслөөс хэвлүүлэн, цахим сургалтад хамрагдсан Өвөрхангай, Сүхбаатар, Хэнтий аймгийн ЗДТГ болон 3 аймгийн бүх сумдад хүргүүллээ.
Монгол Улсын Засгийн газар, Австрали Улсын Засгийн газрын хамтран хэрэгжүүлж буй Австрали Монголын эрдэс баялгийн салбарын хамтын ажиллагааны хөтөлбөр /АМЕП/-өөс Байгаль орчин, аялал жуулчлалын яам /БОАЖЯ/-ны захиалгаар “Байгаль орчинд нөлөөлөх байдлын үнэлгээнд /БОНБҮ/ олон нийтийн оролцоог хангахад дэмжих” төслийн хүрээнд энэхүү ажлыг гүйцэтгэсэн юм.
