БОАЖ-ын Сайд Бат-Өлзийн Бат-Эрдэнэ-ийн албан даалгаврын хэрэгжилтийг хангах ажлын хүрээнд Увс нуурын ай савын улсын тусгай хамгаалалттай газар нутгийн хамгаалалтын захиргааны мэргэжилтэн, байгаль хамгаалагчид 9-р сарын 6,7-ны өдрүүдэд Увс нуурын эрэг орчмын хогийг цэвэрлэлээ. Нийт 2 өдөр ажиллаж, 8 тонн хог хаягдлыг хогийн цэгт хүргэв.

2022 оны 9- р сарын 06-ны өдөр Увс нуурын Татаал-Цагаан гатлага- Бага нуур- Шар нуур-Элсэн толгой- Нарийн усны давс хүртэл 70 км явж, 2 тонн хог хаягдал түүж, Увс аймгийн Улаангом сумын төвлөрсөн хогийн цэгт буулгалаа.

Мөн нутгийн 20 малчин айл өрхөд хог хаяхгүй байх гэрээ хийж, хог хаягдлын тухай хуулиар сурталчилгаа хийж, гарын авлага, материал тарааж ажиллав.