Япон Улсад оршин суугаа монгол иргэдийн анхааралд
Нислэгийн хөдөлгөөний удирдлагын төвийн систем,тоног төхөөрөмжийн шинэчлэлийг санхүүжүүлэх гэрээнд гарын үсэг зурлаа
"Чөлөөлье" санаачилгын хүрээнд анхны "НОГООН ӨРТӨӨ” Булган аймагт нээгдлээ
“Уул уурхайн зарим төслүүдийг эдийн засгийн эргэлтэд оруулах тухай” УИХ-ын тогтоолын төслийг өргөн мэдүүлэв
Цагдаагийн байгууллагын 102 тусгай дугаарт өчигдөр 2087 дуудлага, мэдээлэл бүртгэгджээ
“Амраад аюулгүй аялъя” аян эхэллээ
Хотон нуурт 2018 онд живсэн “Уаз фургон” загварын автомашиныг 36 метрийн гүнээс татан гаргалаа
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Баян-Өлгий аймгийн 12 сумын нутаг дэвсгэрт хамаарах 319 нэрийг өөрчлөх УИХ-ын тогтоолыг баталлаа
НЗДТГ-ын даргын албан үүргийг түр орлон гүйцэтгэгчээр Ү.Ганболдыг томиллоо
Монгол Улсын тав дахь Ерөнхийлөгч, Ардчилсан намын дарга Халтмаагийн Баттулгын Ахмадын баярын мэндчилгээ
Та бүхэндээ монгол түмний сайхан уламжлал болох Ахмад настнаа хүндэтгэн дээдэлдэг энэ сайхан өдрийн халуун мэндийг дэвшүүлье.
Ардчилсан Холбооны ахмадууд Та бүхэн өнөөдөр хэлэх үгтэй, хийсэн гавъяатай улс аа. Цагаан морин жилийн өвөл Ардчилсан хувьсгалы үр дүнд хүргэж, бараг 300 жилийн туршид гадны хараа хяналтад байсан Монголын төрийг тусгаар тогтнуулахад бие, сэтгэлээ зориулсан Та бүхнийг бид үеийн үед хүндэтгэн бахархаж явах учиртай.
Та бүхний тууштай зүтгэл, чин зориг, эх оронч сэтгэлийн үрээр өнөөдрийн Ардчилсан Монгол улс оршиж байгаа. Хүний эрх, эрх чөлөө, чөлөөт зах зээл, нээлттэй нийгэм, хувийн өмч, хуулийн засаглал зэрэг иргэн бүрт хамааралтай үнэт зүйлсийг нйигмийн хэм хэмжээ, амьсгалах агаар болгох явц одоо ч дуусаагүй, тэмцэх шаардлага байсаар байна. Үүнд ардчиллын утга учрыг түүчээлэн ухамсарлаж, оройлон тэмцэж, иргэн бүрт хүртээхээр зорьж явсан ахмадууд Та бүхний оролцоо урьдын адил чухал байна. Бид үр хойчдоо, алдарсан тусгаар тогтнол, хуульгүй төр, эрх чөлөөгүй иргэд, ядуурал хоцрогдлыг хэрхэвч үлдээж болохгүй. Бидний сэтгэл нэг, бидний зорилго ариун.
Та бүхний үүсгэн байгуулсан Ардчилсан нам энэ өдрүүдэд хүндхэн сорилттой тулгарч, эрх баригчдын дохио зангаагаар хөдөлдөг болсон хууль, шүүхийнхний хавханд орсон ч нэгэнт тогтоосон ардчилал, эрх чөлөө, хүний эрхийг тэд мохоож чадахгүй. Ардчилсан нам сэргэн мандана гэдэгт итгэл найдвараа хэзээ ч бүү алдаарай.
Хууль хэрэгждэг, иргэд нь баялгаасаа хүртдэг, боловсрол, эрүлл мэнддээ анхаарах боломжтой, цэвэр сайхан байгал орчинтой тэр сайхан цагийг ойртуулахад Та бүхний алсын хараа, арвин их туршлага дутна шүү. Хойчис бидэндээ ухаан нэмж, уужуу сэтгэлээр тусалж дэмжээрэй. Цаг цагаараа байдаггүй. Бид тун удахгүй цөвүүн цагт төгсгөл тавьж, эх орондоо эрх чөлөө, ардчиллыг сэргээн мандуулах болно
Цэл залуу насныхаа сэтгэл зүрх, эрч хүчийг эх орондоо Ардчиллыг тогтоож, бэхжүүлэхэд зориулсан ахмадууддаа дахин гүн талархал, хүндэтгэлээ илэрхийлье.
Мөнх тэнгэрийн ивээлээр Буянт буурлууд минь урт насалж, удаан жаргаарай.
2022 оны 10 дугаар сарын 01-ний өдөр
0 Сэтгэгдэл
