Ерөнхий хяналтын сонсгол төрийн ордонд үргэлжилж байна. Нээлтэй сонсголын үеэр АТГ-ын дарга З.Дашдаваа дараах мэдээллийг өглөө.
Тэрбээр, “Нүүрсний гэх тодотголтой 32 хэргийг ЦЕГ, АТГ шалгаж байна. Оффтэйк гэрээнүүдийг АТГ шалгаж байгаа. Энэ гэрээнүүдэд мэргэжлийн нарийн шинжээч томилж ажиллуулна. Учир нь гэрээнд бусдад давуу байдал олгож уу гэдгийг шинжээч тогтооно. Түүний дараа гэмт хэрэг мөн биш эсэхийг шалгана.
Манай байгууллага Х.Баттулгаас гурван асуудлаар тайлбар авсан. Түүнийг гурван асуудлаар шалгаж байгаа. ЭТТ-той холбоотой асуудлаар лав шалгаж байгаа.
Х.Баттулга гэдэг хүнийг оргосон гэдгийг хэн нотлоод байгаа юм. Тэр хүн шүүх дээр очихгүй бол оргосонд тооцогдоно. Хэрэг мөрдөн шалгах явцад тэр хүн байх шаардлагагүй юм аа. Эрүүгийн хэргийг хянан шалгах хуулиар зохицуулагдаж байгаа. Хуулиараа ажиллаж байгаа” гэв.
Нүүрсний олбололт, тээвэрлэлт, экспорттой холбоотой буюу нүүрсний хулгайн талаарх нээлттэй сонсгол болж АТГ-ын дарга З.Дашдаваа дараах мэдээллийг өглөө..
З.Дашдаваа: Бид шалгана. 50 хүн яллагдагчаар татагдсан байгаа, гэхдээ эд нар дунд УИХ-ын гишүүн байхгүй. Үндэслэлгүй хөрөнгөжсөн, давуу байдал олгосон зэрэг хэргээр шалгаж байгаа эдгээр 50 хүн бол нийтийн албан тушаалтнууд.
Бид нотлох баримтыг яаж ч олж болно. Хэн хэн шалгагдах нь цаг хугацааны асуудал. ГЕГ-ын дарга асан Б.Асралтыг шалгаагүй байгаа. Иргэн өөрөө АТГ-т гэмт хэргээ илчилж хандаж болно.
Ерөнхийлөгч асан Х.Баттулгад хилийн хориг тогтоогоогүй нь мөрдөгч үзэмжээрээ л хандсан. Хэрэг шийдэгдээгүй байгаа. Хэрэг шүүхэд шилжихэд Х.Баттулга байхгүй байвал оргосон гэж үзнэ. Бид шалгаж байгаа.
