УИХ өнгөрсөн Баасан гаригт /2023.10.06/ төлөвлөсөн асуудлаа хойш тавин анх удаа хүүхдийн асуудлыг хэлэлцэх үеэр УИХ-ын гишүүн, Цахим хөгжил харилцаа холбооны сайд Н.Учрал “ Хөдөлмөрийн яам үеийн үед хүүхдэд анхаарал тавьж байгаагүй” гэж шүүмжлэв.

Энэ талаар тэрбээр “Хөдөлмөрийн яам үеийн үед хэзээ ч хүүхдэд анхаарал тавьж байгаагүй. Хууль зүйн яам л хүүхэд хамгаалах ажлыг хийж ирсэн юм билээ.  Цагдаагийн ерөнхий газрын Гэмт хэргээс урьдчилан сэргийлэх зөвлөл, Г.Арсланхуяг хурандаа нар энэ ажлыг хийж ирсэн. Маш олон аян өрнүүлээд, өөрсдөө зүтгэж байгаа.

Нэг агентлагийн төсөв нэмүүллээ гээд юу ч өөрчлөгдөхгүй. Түүний оронд санаачлага гаргаад ажиллаж байгаа Ч.Ганжавхлан нарын төрийн бус байгууллагыг төрөөс мөнгө төгрөгөөр нь дэмжээд хүүхэд хамгааллын ажлыг хийлгэх хэрэгтэй.

Төрийн хэдэн агентлаг дээр цалин нэмнэ, ямар үр дүн гарах юм. Цалин нэмсэн нэртэй, үр дүн байхгүй” гэж шүүмжилсэн юм.

Гэхдээ хүүхдийн төлөө үйл ажиллагаа эрхэлдэг төрийн байгууллагуудын зүгээс “Хүүхдийн эрхийг хамгаалах чиглэлээр ажилладаг төрийн байгууллагуудын төсөв мөнгө хүрэлцдэггүйн зэрэгцээ ажилтан, албан хаагчдын цалин хөлс тааруу. Цаг наргүй, ачаалал өндөртэй ажилладаг зэргээс шалтгаалж хүний нөөцийн хомсдолд орсон” гэдэг асуудлыг хөндсөөр ирсэн билээ.