"МОНГОЛЫН ГОВЬ ЭЛСЭН ЦӨЛИЙН ЛАНДШАФТУУДЫГ ДЭЛХИЙН ӨВД БҮРТГҮҮЛЭХЭД ДЭМЖЛЭГ ҮЗҮҮЛЭХ" ТӨСЛИЙН БАГИЙН ГИШҮҮД АЙМГИЙН ИТХ-ЫН ДАРГАТАЙ УУЛЗАЖ САНАЛ СОЛИЛЦЛОО.
Монголын их говь элсэн цөлийн ландшафтуудыг дэлхийн өвд бүртгүүлэхэд дэмжлэг үзүүлэх төслийн нээлт, танилцуулгын арга хэмжээ 2023.06.12-нд БОАЖЯаман дээр зохион байгуулагдсан бөгөөд тус арга хэмжээнд оролцсон ХБНГУ-ын судлаачид болон төслийн багийн гишүүд өнөөдөр Өмнөговь аймагт ирж аймгийн ИТХ-ын дарга Н.Энхбаттай уулзан төслийн талаарх танилцуулга, мэдээлэл өгч санал солилцлоо.
Монголын говь тэр дундаа Өмнийн говь нь дэлхийд нэн ховор экосистем бүхий газар нутагтай гэдгээрээ онцлогтой юм. Тэгвэл монгол орны говь цөлийн бүсийг дэлхийн өвд бүртгүүлэх томоохон төслийн анхны танилцуулга арга хэмжээ ийнхүү хийгдэж байгаа ажээ.
