Сургууль, цэцэрлэгийг энэ он дуустал цахимаар хичээллүүлэх болон автомашиныг улсын дугаарын тэгш, сондгойгоор явуулах зохицуулалт хийх болсон талаар Хотын дарга Х.Нямбаатар мэдээлэл өгсөн.
Энэ үеэр тэрээр "Намайг огцруулаад АН түгжрэлийг шууд шийдвэл би огцроход бэлэн байна. Ирэхдээ түгжрэл бууруулах төлөвлөгөөтэйгээ ирнэ үү" гэжээ.
Мөн тэрбээр "Нийслэлийн Засаг даргын захирамжаар энэ сарын 18-наас ирэх оны хоёрдугаар сарын 1-ний хүртэлх хугацаанд замын хөдөлгөөнд тээврийн хэрэгслүүдийг тэгш сондгой горимоор хөдөлгөөнд оролцуулна. Улаанбаатарын авто замын түгжрэлийг бууруулахаар холбогдуулан нийслэлийн төр захиргааны ажилчдыг ирэх долоо хоногт цахим хэлбэрээр ажиллуулахаар төлөвлөж байна. Гэртээ байгаа хүүхдүүдийг осол гэмтэл, хүчирхийлэлд өртөхөөс сэргийлэн эргүүлүүд ажиллуулна. Харин цэцэрлэгийн үйл ажиллагаа эрхэлж буй байгууллага энгийн горимоор ажиллана. Харин эцэг эхчүүд хүүхдээ цэцэрлэгт өгөх нь сонголтын асуудал. Түүнчлэн хэт их хүйтрэлээс үүдэн давс зам дээр давс, бодис цацсан ч үр дүнгүй байна. Үүний улмаас замын хөдөлгөөнд ачаалал үүсэж, автомашины хурд эрс саарч байна. Иймд дээрх хугацаанд тэгш, сондгойгоор зорчуулах шийдвэрийг гаргаж байгаа.
Бухимдсан олонд хандаж хэдэн үг хэлье. Ямар ч шийдэлгүй байцгаая, 0 зогсолттойгоо байх нь илүү гэж үзэж байгаа нь хамгийн аймшигтай зүйл" гэв.
