Улсын Их Хурлын даргын 2024 оны 81 дүгээр захирамжаар байгуулагдсан “Залуучуудын хөгжлийг дэмжих тухай хуулийн хэрэгжилттэй танилцаж, санал, дүгнэлт гаргах, шаардлагатай бол холбогдох хуулийн төсөл боловсруулах үүрэг бүхий” ажлын хэсэг 2025 оны хоёрдугаар сарын 08-ны өдөр Дорнод аймагт ажиллалаа.Тус ажлын хэсгийг Улсын Их Хурлын гишүүн М.Ганхүлэг ахалж байгаа бөгөөд хууль, эрх зүйн орчныг боловсронгуй болгох, хуулийн хэрэгжилтийг хангуулахад санал боловсруулах зорилгоор хэлэлцүүлэг зохион байгуулав.Хэлэлцүүлгийн эхэнд Улсын Их Хурлын гишүүн М.Ганхүлэг ажлын хэсгийн үйл ажиллагааны талаар, Улсын Их Хурлын гишүүн Ш.Бямбасүрэн монголын залуучуудын өнөөгийн нөхцөл байдал, тэдний эрхийг хамгаалах, үндэсний хууль тогтоомжуудын мэдээллийн талаар, Дорнод аймгийн Засаг даргын орлогч бөгөөд Залуучуудын хөгжлийн салбар зөвлөлийн дэд тэргүүн Ч.Ганбат аймгийн залуучуудын хөгжлийг дэмжих чиглэлээр хийж, хэрэгжүүлсэн арга хэмжээ болон одоогийн нөхцөл байдал, тулгамдсан асуудлын талаар, “Алсын хараа-2050” Үндэсний хорооны Ажлын албаны дарга Ж.Тана залуучуудын хөгжлийн стратегийн танилцуулгын талаар тус тус танилцуулж, мэдээлэл хүргэлээ.Түүнчлэн, залуучуудад тулгамдаж буй асуудал, өнөөгийн нөхцөл байдал, цаашид анхаарах асуудлын талаар холбогдох төрийн байгууллага болон залуучуудын санал, хүсэлтийг сонслоо. Мөн ажлын хэсэг хэлэлцүүлгийн үр дүнг холбогдох түвшинд уламжилж, цаашид залуучуудын хөгжлийг дэмжих чиглэлээр хамтран ажиллах талаар санал солилцов гэж Улсын Их Хурлын Хэвлэл мэдээллийн газраас мэдээллээ.