Баянгол дүүргийн Засаг дарга Д.Оросоо, ИТХ-ын дарга Д.Дэлгэржаргал, Тамгын газрын дарга М.Бадрах нар дүүргийнхээ цагдаагийн нэг, хоёрдугаар тасгийнхан болоод замын цагдаагийнхантай уулзсан байна. Энэ үеэр гэмт хэргийн зөрчлөөс цаашид хэрхэн урьдчилан сэргийлэх болоод гарч буй шалтгаан, цаашид бууруулах арга зам зэргийг ярилцсан байна.
Нийслэлийн нийт худалдаа үйлчилгээний газрын 30 хувь нь Баянгол дүүрэгт байрладаг ба 2012 онд шинээр ашиглалтад орсон 1400 барилгын 650 нь мөн дүүрэгт байдгийг  холбогдох албаныхан танилцуулжээ. Цагдаагийн байгууллагын зүгээс архины зөвшөөрлийг нийслэлээс биш дүүргээс олгодог байх тогтолцоог бүрдүүлж өгөх хүсэлт тавьсан юм. Мөн сургууль, цэцэрлэгийн ойр орчимд шөнийн цэнгээний газар, түүхий эд авах цэг, шатахуун түгээх станцуудыг барьж байрлуулахгүй байхыг хүсч байв. Тус дүүрэг гэмт хэргийн гаралтаа 40 хувиар бууруулах зорилго тавьжээ.