Бид компьютерийн дэлгэц хараанд муу гэдгийг сайн мэднэ. Харин гар утас, ялангуяа смартфон ч хүний хараанд муугаар нөлөөлж байгааг тэр бүр мэддэггүй. Өмнөд Солонгост хийсэн судалгаагаар сүүлийн үеийн залуусын дунд нүдний фокус алдагдах пресбиопиа хэмээх өвчлөл нэмэгдэж байгааг тогтоожээ. Ингэж залуусын хараа муудаж байгаа нь компьютер болон смартфон зэрэг жижиг үсэг, тэмдэгт бүхий дэлгэц рүү ойроос удаан ширтэж байгаатай холбоотой гэнэ. Тиймээс гар утас юм уу компьютерийн дэлгэцээ нүднээс 35-40 см-ийн зайнаас харах хэрэгтэй, 50 минут тутамд 10 минут нүдээ амрааж байхыг мэргэжилтнүүд зөвлөж байна.