Хуучин Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга асан Т.Гантулга, тариалан эрхлэлтийг дэмжих сангийн захирал асан Л.Дүйнхэржав нар Япон улсаас манай улсад хэрэгжүүлсэн “КР-1” төслийн мөнгөнөөс завшсан нь тогтоогджээ. Ингэхдээ төслийн хүрээнд буцалтгүй тусламжаар олгосон 9,5 мянган тонн цагаан будааг борлуулсан орлого болох 12 тэрбум төгрөгөөс 900 саяыг нь аж ахуйн нэгжээр дамжуулан бэлнээр авч хувьдаа завшсан нь тогтоогджээ.

Уг нь дээрх мөнгийг хоёр орны Засгийн газрын хооронд байгуулсан гэрээ болон ноот бичгийн дагуу хуримтлалын сан үүсгэж байршуулах ёстой байсан аж. Гэтэл гэрээг зөрчин ийн хувьдаа завшжээ.