Орон нутгийн онцгой байдлын хэлтсийнхэнд гартаа барих багаж тоног төхөөрөмж байдаггүй гал түймэр, гамшигтай гараараа тулдаг гэдэг. Тэгвэл тэдний гарт барих тоног төхөөрөмж, багаж хэрэгслийг сайжруулах үүднээс галын болоод аврах ажлын багаж, хувцас хэрэгсэл, тоног төхөөрөмж, фургон автомашин мөн  холбоо мэдээллийн хэрэгслийн тоног төхөөрөмжүүдийг төв, орон нутгийн анги салбаруудад хүлээлгэн өглөө. Уг төхөөрөмжүүдийг улсын төсвийн хөрөнгөөр худалдан авсан нийт 2.1 тэрбум төгрөгийн өртөгтэй юм. Энэ үйл явдалтай зэрэгцэн онцгой байдлын анги байгууллагын удирдах ажилтны зөвлөгөөн болж байна.  Зөвлөлгөөний зорилго нь Онцгой байдлын байгууллагын үйл ажиллагааны шинэчлэл, удирдах арга барил, мэргэжлийн ур чадвараа дээшлүүлэх талаар мэдээлэл олгох, 2013 онд тус байгууллагаас баримтлан ажиллах  зорилтыг хүргэн үр дүнгийн гэрээ байгуулах юм.  Зөвлөлгөөний нээлтэд Монгол Улсын Шадар сайд Д.Тэрбишдагва оролцож “Онцгой байдлын алба  байгуулагдаад удаагүй, мэргэжлийн боловсон хүчин дутмаг,  одоогоор ашиглагдаж буй техник, тоног төхөөрөмжийн хангалтгүй байгаа хэдий ч иргэдийг болзошгүй эрсдлээс хамгаалах үүргээ умартан суух эрх байхгүй. Иймээс эх орон, ард түмнийхээ өмнө өргөсөн тангарагтаа үнэнч байж, хүлээсэн үүргээ биелүүлэх үүрэгтэй гэдгийг мартаж болохгүй. Тохиолдсон нөхцөл байдалд тохирсон зөв, оновчтой шийдвэрийг гарган ажиллахыг  онцоллоо. Зөвлөлгөөн ирэх сарын 3-ныг хүртэл үргэлжилнэ.