“Улаанбаатар буян” компани жил бүрийн шинэ жил, сар шинийн баярын өмнө “Хербис” хүүхдийн асрамжийн газрын хүүхдүүдэд гарын бэлэг гардуулахаас гадна амралт чөлөөт цагаа зөв боловсон өнгөрүүлэх боломжийг хангах үүднээс хамтран ажилладаг юм байна. Энэ уламжлалын дагуу тус газрынхан өчигдөр “Хербис” төвд очиж хүүхдүүдийн эрүүл мэнд, эрдэм боловсролыг даатгуулан лам нараар ном хуруулж, “Цаглашгүй гэрэл” төрийн бус байгууллагын тэргүүн бурхан урлаач Д.Ухаанзаяа “Арван хар нүгэл” сэдвээр яриа өрнүүллээ. Мөн энэ үеэр тус компанийнхан багачуудын чөлөөт цагаа өнгөрүүлэх боломжийг хангах үүднээс “Samsung” брэндийн LCD зурагт гэрийн кино театрын хамт бэлэглэж, гарын бэлэг гардууллаа. Үүнд талархсан багачууд урлагийн тоглолт үзүүлж хурсан олныг баясгав.