Өнөөдөр МЗХ-ны гүйцэтгэх хорооны залуучуудад АТГ-ын мэргэжилтэн Д.Мөнхжаргал авлигын хор уршгийн талаар лекц уншжээ. МЗХ-ны удирдлагууд “Авлига би авахгүй, би өгөхгүй” аяны хүрээнд ийнхүү гүйцэтгэх хорооны залуучуудаа авлигын хор уршгийн талаарх лекцэнд хамруулсан байна. Энэ сарын 18-наас эхлэн ажлын цагийн хуваарьтаа өөрчлөлт оруулж, өглөөний 07 цаг 30 минутаас ажиллах болсон МЗХ-ныхон байгууллагынхаа залуучуудын ажлын бүтээмжийг дээшлүүлэх, түүнчлэн тэдэнд өөрийгөө хөгжүүлэх, сургалт лекцэнд хамрагдах боломж, хугацааг олгож өгөх үүднээс ажилчдынхаа дунд өглөөний лекцийг зохион байгуулдаг болж байгаа юм байна. Дашрамд хэлэхэд МЗХ-ноос жил бүр уламжлал болгон зохион байгуулдаг, долоо хоног бүр болдог цуврал лекцүүд эхэлж байгаа бөгөөд ямар хүмүүстэй уулзаж ярилцах талаар залуучуудаас цахим ертөнцөөр дамжуулан санал авч байгаа гэнэ.