Ус цаг уурын хүрээлэнгээс гаргасан цаг агаарын урьдчилсан мэдээгээр энэ сарын 28-нд нутгийн зүүн хагаст, гуравдугаар сарын 2-нд нутгийн хойд хэсгээр, 3-нд зүүн зүгийн нутгаар бага зэргийн цас орно. Салхи 28-нд нутгийн зүүн хагаст секундэд 16-18 метр, говь талын нутгаар зарим үед секундэд 24 метр, бусад хугацаанд Алтайн уулархаг нутаг, Арц богдын өвөр хоолойгоор секундэд 12-14 метр хүрч цасан болон шороон шуурга шуурна.
Маргааш ихэнх нутгаар хүйтний эрч чангарч Увс нуурын болон Дархадын хотгор, Идэр, Тэс, Буянт, Ерөө голын саваар шөнөдөө 30-35 хэм, өдөртөө 17-22 хэм, Хүрэнбэлчир, Хараа, Туул, Тэрэлж, Хэрлэн, Онон, Улз, Халх голын сав газраар шөнөдөө 24-29 хэм, өдөртөө 12-17 хэм хүйтэрнэ.
Алтайн өвөр говь болон говийн нутгийн өмнөд хэсгээр шөнөдөө 13-18 хэм, өдөртөө 1-6 хэм, бусад нутгаар шөнөдөө 18-23 хэм, өдөртөө 7-12 хэм хүйтэн байна. Хугацааны дунд үеэс хүйтний эрч суларна.