Олон улсад сорьцын хяналтын Венийн конвенц, Олон улсын сорьцын хяналтын байгууллагуудын холбоо гэсэн хоёр байгууллага хамтарч үйл ажиллагаагаа явуулдаг аж. Манай Сорьцын хяналтын хэлтэс 2012 онд дээрх холбоонд гишүүнээр элсэх тухай саналаа илгээж холбоо тогтоосны дагуу энэ оноос гишүүнээр элсч үйл ажиллагаанд нь оролцож эхлээд байна. Саяхан тус холбооноос ирүүлсэн хүсэлтийн дагуу энэ 2013 оны гуравдугаар сард Швейцарийн Женевт болох хуралд манай төлөөлөгчид оролцохоор бэлтгэж байгаа юм байна.
Түүнчлэн энэ онд олон улсын түвшинд хийхээр зарласан хоёр төрлийн шинжилгээнд манай лаборатори оролцох болсон тул эхний ээлжинд тус холбооноос ирүүлсэн рентгенофлоуресценцийн аппарат буюу үл эвдэх сорилын аргаар шинжлэх дээжийг хүлээн авч шинжилгээг хийхийн зэрэгцээ бусад лабораториудаар шинжлүүлж харьцуулалт хийж байна.
Дараагийн шинжилгээг ирэх сард Женевт болох хурлын үеэр тараах дээжинд жингийн аргаар шинжилгээ хийх аж.