Стандартчилал, хэмжил зүйн газраас Улаанбаатар хотод үйл ажиллагаа явуулж байгаа Итгэмжлэгдсэн эрдсийн түүхий эдийн лабораториудын үйл ажиллагаанд магадлан шалгалт явуулжээ. Магадлан шалгалтаар өөрийн үйл ажиллагаа, бүтэц зохион байгуулалтад орсон өөрчлөлтийн талаарх мэдээллийг итгэмжлэлийн байгууллагад ирүүлдэггүй, тохирлын үнэлгээг бодитой үнэн, зөв явуулах техникийн чадавхийг бүрдүүлээгүй, “Сорилт болон шалгалт тохируулгын лабораторийн чадавхид тавигдах ерөнхий шаардлага” MNS ISO/IEC 17025:2007 стандартын шаардлагыг хангаж ажиллаагүй,  зэрэг зөрчил, үл тохирлууд илэрсэн байна. Эдгээр зөрчил, үл тохирлуудыг арилгуулах талаар магадлан шалгалтад хамрагдсан аж ахуйн нэгж, байгууллагуудад хугацаатай үүрэг даалгавар өгч “SGS Монгол” ХХК-ний итгэмжлэлийг түдгэлзүүлжээ.
Сорилт, шинжилгээний дүнг Хятад хэл дээр гаргадаг, итгэмжлэлийн байгууллагаас олгосон итгэмжлэлийн эрх, лабораторийн сорилтын хуудас, тэмдгийг хаана, юунд ашигладаг нь тодорхой бус байгаа нь ноцтой, үл тохирол гаргасан “Жөн Юан” ХХК-ний итгэмжлэлийг Стандартчилал, хэмжил зүйн газрын даргын 2013 оны 02 дугаар сарын 26-ны өдрийн А/61 дүгээр тушаалаар цуцалсан байна.