Монголын иргэн өнгөрсөн арванхоёрдугаар сард Хиагтын боомтоор 198 кг нефрит, боловсруулаагүй үнэт чулуу оруулахыг завдсаныг Оросын хил, гаалийн ажилтнууд илрүүлэн саатуулжээ. Нефритээ тэрээр  янз бүрийн нэр хаягтай долоон ширхэг цаасан хайрцганд гоо сайхны бараан дунд хийж, машины ачааны хэсэгт нуусан байжээ.  Нийтдээ  425 мянган рублиэр үнэлэгдэх энэ барааг хурааж Новосибирскийн гаалийн байгууллагын шинжилгээний хэсэгт илгээсэн байна. Өнгөрсөн онд Хиагтын боомтоор Орос руу нефрит оруулах гэсэн найман тохиолдол гарсан юм байна.