Монгол Улсад Үндэсний сэтгүүл зүй үүсч хөгжсөний 100 жилийн ой энэ онд тохиож байгаа билээ. Ойн хүрээнд Сэтгүүлчдийн эвлэлээс олон арга хэмжээ зохион байгуулж байгаагийн нэг нь өнөөдөр Монголын сэтгүүл зүйн 100 жилийн ойд зориулсан эрдэм шинжилгээний бага хурал зохион байгуулахаар болжээ.
Уг эрдэм шинжилгээний бага хурлаар “Монголын сэтгүүл зүйг үндэслэгч Ж.Цэвээн судлалын өнөөгийн байдал, тулгамдсан асуудлууд” сэдвээр доктор, профессор Л.Норовсүрэн илтгэл тавих аж. Мөн Монголын сэтгүүлчдийн эвлэлийн Гүйцэтгэх хорооны гишүүн Т.Баасансүрэн, “Монголын сэтгүүл зүйг үндэслэгч Ж.Цэвээний хамтран зүтгэгчдийг тодотгох нь” гэсэн сэдвээр илтгэл тавих аж. Үүнээс  гадна хэд хэдэн хавсралт илтгэлүүд тавиж, хэлэлцүүлэх юм байна. Эрдэм шинжилгээний бага хурал 11 цагт МУИС-ийн дугуй зааланд болно.