Интерполоор эрэн сурвалжлагдаж байгаа гэх Т.Аятунгаа өнөөдөр твиттер хуудас нээж багагүй шуугиан тарив. Твиттерт бичсэнээс үзвэл түүнийг хэн нэгэн утсаар дарамталсан бололтой. Тэрээр, “Намаас ярьж байна гээд дугаараа нууцалсан хүн ярьж. Чам шиг муу хүүхнийг яавал ч яана. Надад хууль үйлчилдэггүй юм гэж хэлсэн. Би одоо утсаа авахаас ч айж байна үнэндээ” гэсэн зүйлийг бичжээ. Мөн түүнээс хүүхдээс нь сураг гарч байгаа эсэхийг тодруулахад, “Одоохондоо тодорхой болсон зүйл алга” гэсэн хариу өгсөн юм. Мөн төр засаг, Хүүхдийн төлөө газар гээд байгууллагууд тусалж байгаа эсэхийг тодруулахад, “Монголын Засгийн газрын талаар шийдтэй хариу өгөөгүй хэрнээ. Хүлээж бай” гэсэн хариулт өгсөн байна. Харин Хүүхдийн төлөө газрыг энэ хэрэгт, Монгол Улсын иргэн Тэргэлсар охиныг авчрахад юу ч хийж чадахгүй гэдгийг Т.Аятунгаа ярьж байна. Түүний тайлбарлаж буйгаар энэ хэрэгт Монгол Улс ямар ч хамаагүй бололтой юм. Юутай ч хүүхдээ алдаж шаналсан Т.Аятунгаа твиттер хуудас нээж, зарим нэг хүнд доромжлуулж, заримд нь өрөвдүүлэв.