Налайх дүүрэг дэх ХААН банкны салбарын захирлын нөхрийг буудаж хөнөөсөн А.Бат-Ялалтыг өнөөдөр Налайх дүүргийн шүүх шүүнэ. Тэрээр тус банкны салбараас хоёр сая төгрөг дээрэмдэх зорилготой очиж, банкны захирлын нөхрийг буудан амь насыг нь хохироож, таксины жолоочийг барьцаалсан хэрэгт буруутгагдаж буй юм. А.Бат-Ялалт өнгөрсөн 2012 оны хоёрдугаар сарын 3-ны өдөр Налайх дүүрэгт орших банкны салбарт “Сурвалжлагч байна. Танай захиралтай уулзаж, ярилцлага авах гэсэн юм” гэж хэлэн орж, захирал н.Туяагаас мөнгө нэхэх явцдаа түүний нөхрийг нь буудан хөнөөсөн юм.
Түүнд өнгөрсөн оны арваннэгдүгээр сарын 20-нд анхан шатны шүүхээс цаазын ял оноосон ч давж заалдах шатны шүүхээс хэргийг анхан шатны шүүхэд дахин шилжүүлэх шийдвэр гаргасан юм.