Цаг уур орчны шинжилгээний газраас ойрын үед цаг агаар хүйтэрч, цасан шуурга болохыг анхаарууллаа. Өнөө шөнө баруун аймаг, 8-нд ихэнх нутгаар, 9-нд говь болон зүүн аймгуудын нутгаар салхи 18-20 м/с, говийн бүс нутгийн зарим газраар түр зуур 28-30 м/с хүрч хүчтэй цасан болон шороон шуурга шуурна. Агаарын температур 8-нд нутгийн баруун хагаст, 9-нд нутгийн зүүн хагаст  өмнөх өдрөөсөө 5-15  градусаар хүйтрэх аж. Хүчтэй салхи шуурганы улмаас зам, даваа хаагдан үзэгдэх орчин муудах тул авто болон агаарын тээвэр,төмөр зам зэрэг байгаль цаг агаараас хамаарал ихтэй аж ахуйн нэгж байгууллага, ард иргэд, малчид, тээвэрчдийг цаг агаарын аюул гамшгаас, урьдчилан сэргийлж, ажил төрлөө эртнээс зохицуулах арга хэмжээ авахыг ч сэрэмжлүүллээ.