Хууль зүйн сайд Х.Тэмүүжин Интерполд захидал бичжээ. Тэрээр, Н.Энхбаярын хэрэгт холбогдуулан шалгаж байгаа Н.Энхтуяа болон Б.Хуяг нарыг дахин хайж, эрж олж өгч тусална уу гэдэг хүсэлтээ албан ёсоор гаргаж байгаа аж. Учир нь, Интерполоос ирсэн захидалд Н.Энхтуяа, Б.Хуяг нарыг хайх эсэх нь эргэлзээ төрүүлж байна гэсэн захидал иржээ. Гадаадын бусад улс орнуудад Хууль зүйн дэд сайд нь тухайн улсынхаа Прокурор байдаг аж. Энэ утгаараа Хууль зүйн дэд сайд Э.Эрдэнэжамъянг Интерполын байгууллага Монгол Улсын прокурор гэж ойлгож Н.Энхбаярын хамсаатнуудыг хайх ажлаа зогсоосон байна. Тиймээс Хууль зүйн сайд Х.Тэмүүжин Интерполд бичсэн захидалдаа, “Манай улсын Хууль зүйн дэд сайдад тийм эрх мэдэл байхгүй. Э.Эрдэнэжамъянгийн энэ үйлдэл нь хууль бус үйлдэл юм. Тиймээс түүнд албан тушаалаа урвуулан ашигласан гэдэг үндэслэлээр эрүүгийн хэрэг үүсгэн шалгаж байгаа. Бидний анхны хүсэлт хэвээрээ байгаа. Тиймээс та бүхэн Н.Энхтуяа, Б.Хуяг нарыг эрэн хайх ажлаа үргэлжлүүлнэ үү” гэсэн хүсэлтээ илгээжээ.