Өнгөрсөн баасан гарагт Шунхлай групп шатахууны үнээ 50 төгрөгөөр нэмэгдүүлээд эргүүлж буулгасан тухай асуудлаар ШӨХТГ-аас мэдээлэл хийж  энэ нь хууль бус үйлдэл байсан гэлээ. Гэхдээ энэ нь үгсэн хуйвалдаагүй, бас Шударга өрсөлдөөний тухай хуулийг зөрчөөгүй. Харин шатахууны үнийг тогтовортой байлгахын тулд Засгийн газраас хөнгөлөлттэй зээл авахдаа хийсэн гэрээгээ зөрчсөн хэрэг гэсэн юм. Шунлай групп шатахууны үнийг тогтвортой байлгана хэмээн Засгийн газраас 3,8 хувийн хүүтэй 21 тэрбум төгрөгийн зээл авахдаа шатхууны үнийг дураараа нэмэхгүй гэсэн гэрээ байгуулсан юм байна.

Ийнхүү байгуулсан гэрээгээ зөрчсөн Шунхлай групптэй байгуулсан гэрээгээ цуцалж зээлүүлсэн хөрөнгөө эргүүлэн татах саналыг ШӨХТГ-аас Засгийн газарт оруулах гэж байгаагаа сэтгүүлчдэд мэдэгдлээ. Ингэхдээ зээлийн хүүг хөнгөлөлттэй нөхцлөөр биш, харин арилжааны банкны өнөөгийн мөрдөж байгаа хүү болох сарын 1,5 хувиар  тооцох санал оруулахаа ч мэдэгдлээ.

Энэ мэдээллийн дэлгэрэнгүйг манай сайт удахгүй бүрэн эхээр нь мэдээлэх болно.