Нөөцийн махны менежер “Жаст Агро” ХХК нь нөөцийн махыг борлуулах дэлгүүрүүдээ сонгон гэрээ байгуулж, сав боодол, махыг жижиглэж, савлах зэрэг бэлтгэл ажлуудыг бүрэн хангаж гуравдугаар сарын 6-ны өдрөөс борлуулалтанд гаргасан.  Харин энэ сарын 18-ны өдрийн байдлаар  дүүргүүдээс баталж өгсөн 350   дэлгүүрээс 330 дэлгүүртэй гэрээ байгуулж есөн дүүргийн 296 цэгээр нөөцийн махыг борлуулж байна. Цаашид борлуулалтын цэгийн тоог 350-д хүргэх аж.
Нөөцийн махыг дэлгүүрүүдийн хүссэн хэмжээгээр нийлүүлж буй бөгөөд өнөөдрийн байдлаар үхрийн мах 42 тонн, ямааны мах 50.1тонн, хонины мах 71.7 тонн буюу нийт 163.8 тонн махыг борлуулжээ.
Борлуулалтыг өнгөрсөн жилүүдэд мөрдөгдөж байсан стандартын дагуу хоёроос гурван  килограммаар жижиглэж савласан байдлаар борлуулж байна. Үнийн хувьд килограмм үхрийн махыг 5950 төгрөгөөр, ямааныхг 4850, хонины махыг 5750 төгрөг байна.