Улсын бүртгэлийн ерөнхий газар өнөөдөр хаалгаа нээж байна. Монгол Улсын Ерөнхийлөгчийн сонгулуийн тухай хуулийн хэрэгжилт, бэлтгэл ажлыг хангахтай холбогдуулан тус газраас “Иргэний бичиг баримт бичгийн зөрчил арилгах, баримт бичиггүй иргэдийг бичиг баримтжуулах сарын аян”-ыг эхжлүүлж, үүнийхээ хүрээнд амралтын өдөр ажиллаж иргэдэд үйлчилж байгаа юм байна. Өнөөдөр тус газрын харъяа Нийслэлийн улсын бүртгэлийн газар, Иргэний бүртгэлийн газар, Хуулийн этгээдийн бүртгэлийн газар, Эд хөрөнгийн эрхийн бүртгэлийн газар болон аймаг, нийслэлийн дүүргийн Улсын бүртгэлийн хэлтэс, нэгжүүд бүрэн бүрэлдэхүүнээр ажиллаж байна.  Өнөөдөр иргэд бичиг баримт, бүртгэлийн холбогдолтой ажил төрлөө амжуулж болох нь. Тус байгууллага өнөөдөр 16:00 цаг хүртэл ажиллах юм байна.