“Автомашингүй өдөр”-ийг угтсан долоо хоногийн аяныг нийслэлийн хэмжээнд энэ сарын 24-30-ны хооронд зохион байгуулж байгаа билээ. Хүүхэд залуучуудыг спиртлэг бус спортлог уриалгад нэгтгэх, тэдэнд дугуйн ач холбогдлыг сурталчилан таниулах зорилгын хүрээнд 03-рсарын 31-нд “Улаанбаатар-2013” нэртэй 1000 дугуйчдын парад”-ыг Монголын Залуучуудын Холбоо, Нийслэлийн биеийн тамирын газар, Монголын дугуйчдын холбоо зэрэг төрийн болон төрийн бус байгууллага, дугуйн худалдаа эрхэлдэг “Дугуйн ертөнц” ХХК, “Cannondale”, “Атилла” дэлгүүрүүд зэрэг бизнесийн байгууллагууд хамтран явуулах гэж байна. Дугуйн парадад оролцох хүсэлтэй иргэд, аж ахуйн нэгжийг энэ сарын 31 хүртэл бүртгэх ба өөрийн дугуйтайирэх, албан байгууллага зохион байгуулалттай хувцсаар жигдэрсэн байх зэрэг шаардлага тавьж байна. 1000 дугуйн парад 31-ний өглөө 10.00 цагаас Сүхбаатарын талбайгаас хөдөлж Баруун дөрвөн зам-Гэсэрсүм-“Чингис” зочид буудал-Бөхийн өргөө-Сүхбаатарын талбай гэсэн маршрутаар аялах ажээ. Сонирхуулахад, жил бүрийн энэ өдөр буюу гуравдугаар сарын 27-ны өдрийг “Унадаг дугуйн өдөр” болгон тэмдэглэж байхаар албан ёсоор тогтжээ.