22-ын товчооны наахан талд төмөр замын Толгойт өртөөний орчим газны агуулах шатаж байгаа талаар бид мэдээлсэн. Тус агуулах нь "Мон газ сервис" компанийнх юм байна.
Нийслэлийн Онцгой байдлын гал унтраах хэд хэдэн анги хүч нэмэгдүүлэн хэргийн газар цаг алдалгүй очиж, галыг унтрааж байгаа юм.
Хамгийн аюултай нь агуулахад 50 орчим баллонтой газ байгаа бөгөөд тэднийг байрнаас нь хөдөлгөвөл дэлбэрэх аюултай учраас хөргөх арга хэмжээг авч байгаа ажээ.
Өмнө нь Дархан-Уул аймгийн 12-р багийн шинэ хорооллын 14-р байрны долоон давхрын нэгэн айлд 5 литрийн баллонтой газ дэлбэрч бараг л байшинг нураахаа шахсан. Хэрэв 50 баллон газ дэлбэрвэл тэр хавьд маш аюултай нөхцөл байдал үүсэх юм. Гэхдээ азаар хүний амь нас, эрүүл мэнд хохироогүй байгаа тухай манай сэтгүүлч газар дээрээс нь мэдээлсэн юм.