Энэ сарын 3-4-ний өдрүүдэд Баруун Сибирээс манай орны нутаг дэвсгэрт шилжин ирж буй хүйтэн агаарын масс Хангайн нурууг давж төвийн нутаг дээр бага даралтын орон үүсч хүйтэрнэ гэдгийг ОБЕГ-аас анхааруулж байна.
Хүйтэн агаарын улмаас энэ сарын 3-ны өдөр баруун болон төвийн нутгаар, 4-ний өдөр нутгийн зүүн хагаст, 6-нд баруун зүгийн нутгаар, 7-нд нутгийн баруун хагаст цас орно. Салхи зүүн өмнөөс баруун хойш эргэж Өвөрхангай, Булган, Төв, Дундговь аймгийн зарим нутгаар их хэмжээний нойтон цас орно. Салхины хурд 16-18 метр секунд хүрч цасан шуурга шуурч хүйтрэхийг анхааруулж байна. Иймд нялх төл мал даарч осгох, үзэгдэх орчин хязгаарлагдах, зам даваа цасанд боогдож болзошгүй тул малчид, иргэд тээвэрлэгчдийг эртнээс урьдчилан сэргийлэх арга хэмжээ авахыг онцгойлон анхааруулж байна.