Нөөцийн махны менежер Жаст Агро компани нөөцийн махыг 2013 оны 03-р сарын 06-ны өдрөөс эхлэн 9 дүүргийн 377 цэгээр борлуулж байна.   Өнөөдрийн байдлаар үхрийн мах 200.3тн, ямааны мах 429.5тн, хонины мах 400.1тн буюу нийт 1029.9тн-ыг борлуулаад байна.
Нөөцийн махыг өнгөрсөн жилүүдэд мөрдөгдөж байсан стандартын дагуу  2-3 кг-аар жижиглэж савласан байдлаар, 1кг үхрийн махыг 5950 төгрөгөөр, ямааны махыг 4850 төгрөгөөр, хонины махыг 5750 төгрөгөөр тус тус борлуулж байна. Гулууз болон өрөөл махны хувьд хонь-5500, ямаа-4600, үхрийн мах кг нь 5800 төгрөгийн үнэтэй байна.  
Нөөцийн махыг ард иргэдэд ойртуулж, хүртээмжтэй байлгах зорилгоор 2013 оны 04-р сарын 06, 07-ны өдрүүдэд “Өрх бүрт нэг гулууз” өргөтгөсөн худалдааг Сүхбаатар дүүрэг дэх Бүрд зах, Хан-Уул дүүрэг дэх Мишээл экспо, Баянзүрх дүүрэг дэх Скай их дэлгүүр, Сонгино хайрхан дүүргийн 21-р хороолол дахь Шөнийн зах, Баянзүрх дүүргийн Амгалан дахь Оргил худалдааны төвүүдийн гадна талбайд зохион байгуулах юм байна.

Холбогдох мэдээллийг 88046551, 88046552, 88046553 утсаар авна уу