Өвөрхангайн аймгийн Тагнуулын газрын нэгэн ажилчин амиа алдсан тухай мэдээлэл өчигдөр түгсэн юм. Тагнуулын ерөнхий газар Олон нийттэй харилцах албаныхнаас энэ талаар тодруулахад “Өвөрхангай аймгийн Тагнуулын газрын ажилтан амиа алдсан мэдээллийн дагуу манайхаас ажлын хэсэг гарч, хэргийг шалгахаар тус аймгийг зорьсон. Ажлын хэсгийн дүгнэлт гартал хохирогч болон хэргийн талаар мэдээлэл өгөх боломжгүй” гэв.
Өвөрхангай аймаг дахь Тагнуулын газрын ажилтнууд ажлын бус цагаар архидаж, нэгнийхээ аминд хүрсэн бололтой. Хэргийг Улсын Ерөнхий прокурорын дэргэдэх Мөрдөн байцаах алба шалгаад эхэлжээ. Одоогоор хэрэгт холбогдсон болон амиа алдсан хохирогчийн тухай мэдээлэл тодорхойгүй байна.