Ховд аймгийн ШШГЕГ-ын харьяа жирийн дэглэмтэй 457 дугаар ангиас гурван хоригдол оргосны нэгийг нь уржигдар Хөтөөгийн Мягмаржав гэгчийг баривчилсан байна. Тэрээр тус ангид хулгайн хэргээр ял эдэлж байсан юм байна. Түүнийг Ховд аймгийн Эрдэнэбүрэн суман Шурагийн гүүр гэдэг газарт явж байгаад баригдсан аж. Оргосон Х.Мягмаржав, “Бид хорих ангиас гараад л салсан. Нөгөө хоёрыг хаана байгааг мэдэхгүй. Гэртээ харих гэж явсан” гэж мэдүүлжээ. Мөн оргож явахдаа ямар нэгэн гэмт хэрэг үйлдээгүй гэж мэдүүлж. Тус аймгийн цагдаагийнхан түүнд Эрүүгийн хуулийн 261 дүгээр зүйл ангиар эрүүгийн хэрэг үүсгэн шалгаж эхэлжээ. Хоригдлуудын хувьд тус ангийн гадна уурын зуухны галч хийдэг байсан гэнэ.