Нийслэлийн Засаг дарга Э.Бат-Үүл  энэ оны нэгдүгээр ээлжийн цэрэг халах, татах ажлыг зохион  байгуулах тухай 347  тоот захирамж гаргажээ. Энэ хүрээнд Цэрэг татлагын товчоо нийслэлийн хэмжээнд цэргийн жинхэнэ алба хаах хугацаа дуусч бэлтгэлээр халагдсан байлдагч, түрүүчийг хүлээн авах ажлыг ирэх сарын 1-2-нд, цэргийн жинхэнэ албанд иргэдийг татах, гэрээт цэрэгт элсүүлэх ажлыг 3-5-ны өдөр  дүүрэг бүрт зохион байгуулах болсон байна. Харин цэргийн жинхэнэ албаны хугацаа дуусч, бэлтгэлээр халагдан ирж байгаа цэргийн үүрэгтнүүдийг хүлээн авч, ажлын байраар хангах, төрөл бүрийн сургалтад хамруулах ажлыг дүүргийн Засаг дарга нар хариуцах гэнэ.  Уг цэрэг татлагын товчоог нийслэлийн ЗДТГ-ын дарга Ё.Гэрэлчулуун ахлана.