Хэт холын зайн марафон гүйгчдийн Ази тивийн аварга шалгаруулах тэмцээн өчигдөр БНСУ-ын Чэжү аралд эхэллээ. Энэ сарын 6-ны өдөр хүртэл үргэлжлэх тэмцээнд манай улсаас хоёр тамирчин хурд, хүчээ үзэж байна. Монголын хэт холын зайн марафон гүйгчдийн холбооны шигшээ багийн тамирчин, 100 км зайн улсын хошой аварга Б.Доржпалам эрэгтэйчүүдийн төрөлд уралдана. Тэрээр 100 км замыг 08:02:10 секундын амжилттай туулснаар манай улсын дээд амжилтыг эзэмшдэг. Харин эмэгтэйчүүдийн төрөлд спортын мастер Г.Хишигсайхан өрсөлдөнө. Тэрээр Монголоос анх удаа Ази тивийн аваргын тэмцээний хэт холын зайд уралдаж буй тамирчин юм. Өнгөрсөн бямба гарагт тамирчид БНСУ-ыг зорьсон.
Тэд солонгосын шигшээ багийнхантай Сөүл хотод таван өдрийн турш бэлтгэл хийсэн юм. Харин өчигдөр Чэжү аралд иржээ.