УИХ-ын хаврын чуулган эхэлж байгаатай зэрэгцүүлэн МАН-аас зохион байгуулж байгаа “Эрх баригчдаас амлалт нэхэх Шударга ёсны төлөө” жагсаал цуглаан Сүхбаатарын талбайд болж байна. Цуглааныг МАН-ын ерөнхий нарийн бичгийн дарга Г.Занданшатар нээж Монгол Улсад шударга ёс үгүй болж,  бараа бүтээгдхүүний үнэ өссөөр байгааг шүүмжлэн ийм болохоор ард иргэд сайн дураараа энд цуглаад байгаа гэж тэмдэглэлээ. Цуглаанд оролцогсод хүзүүндээ шар тууз зүүн, шүгэл барьж хүмүүсийг үг хэлэхэд дэмжиж байгаагаа илэрхийлэн үлээж байлаа. Цуглаанд оролцогсод Засгийн газарт хандаж шаардлага хүргүүлнэ гэдгээ мэдэгдэн жагсаалын дараа Төрийн ордны баруун, зүүн хойд хаалган дээр очиж гардуулна. Засгийн газраас хүн гарч ирж хүлээн автал нь хүлээнэ. Хэрэв шаардлагыг хүлээн авахгүй, хариу өгөхгүй бол Ерөнхий сайд Н.Алтахуягийг огцруулах шардлага тавих болно гэлээ.