Ховд аймгийн Булган суман Бүрэнхангай багийн нутаг Бүрэн сэлбэгийн дэлгүүрт энэ сарын 1-2-нд шилжих шөнө хулгай орсон байхыг илрүүлж, шалгахаар орсон цагдаагийн дэд ахлагч Б.Төмөрчөдөрийн амийг хөнөөсөн гэмт этгээдүүдийг цагдаагийнхан өчигдөр илрүүлжээ. Гэмт этгээдүүдийг урьд шөнө 02.00 цагийн орчимд баривчилсан байна.
Эл хэргийг Ховд аймгийн Булган сумын Баянгол багийн иргэн 46 настай Хурамхаан Хуатбек хамаатны дүү 1995 нод төрсөн 18 настай Хызереакийн Сапаргали нар хамт үйлдсэн байна. Цагдаагийн алба хаагчийг буудаж хөнөөсөн хэрэгт шалгагдаж байгаа Хурамхаан Хуатбекын гэрээс олдсон буу хэргийг газарт үлдээсэн бууны сумны хонгиноны цохилууртай таарч байгаа юм байна. Хэрэгт сэжиглэгдэн шалгагдаж байгаа этгээдүүдийг "Бүрэн" дэлгүүрийн хүнсний бараан дээр үлдээсэн хурууны хээгээр илрүүлсэн гэнэ.