Татвараас зугтаасан хэргээр гурван жилийн хорих ял аваад байгаа Холливудын жүжигчин Уэсли Снайпс хугацаанаасаа өмнө суллагдаж гэрийн хорионд орох гэж байна. 2008 онд гурван ангит “Блэйд” киноны од Уэсли Снайпсыг 1999-2001 оны татварын мэдүүлгээ буруу бичиж улсад нийтдээ 15 сая долларын татвар төлөлгүй зайлсхийсэн гэж залилан мэхэлсэн хэрэг үүсгэсэн юм.

Жүжигчин ч үүнийгээ хүлээж өөрт нь ял хүлээлгэхээс өмнө таван сая долларын чек өгсөн ч түүнд татвараас зугтаасан хэрэгт оноодог хамгийн дээд ял оноосон юм.  
Харин түүний буруугаа хүлээж, хүмүүжилтэй байсных нь төлөө одоо хугацаанаас нь өмнө суллаж ийнхүү гэрийн хорионд шилжүүлж байгаа юм байна.