Манай улсад  жил ирэх бүр зам тээврийн осол, гэмтлийн тоо нэмэгдсээр  байна. Улсын хэмжээнд жилд дунджаар нийт 7600 гаруй осол гэмтэл гарснаас арван осол бүрийн нэг нь согтуу жолоочийн буруугаас, 100 осол бүрийн долоо  нь хурд хэтрүүлснээс үүсчээ. Мөн 2010 онд хийгдсэн судалгаагаар хоёр жолооч бүрийн нэг нь, тээврийн хэрэгслийн зорчигчдын ихэнх буюу  95 хувь хамгаалах бүс хэрэглэдэггүй байна. Согтуугаар тээврийн хэрэгсэл жолоодсон байдлыг авч үзвэл сүүлийн таван  жилийн дунджаар жилд 26 мянга 159 хүн согтуугаар тээврийн хэрэгсэл жолоодож журамлагджээ. Түүнчлэн 14 хоногийн хугацаанд Улаанбаатарт  1000 гаруй  жолооч согтуугаар тээврийн хэрэгсэл жолооддог гэсэн тоо байна. Иймд архи уусан үедээ жолооны ард суухгүй байхыг ЗЦГ-аас анхааруулж байна.