Швейцарийн банкинд оффшор бүс буюу татваргүй бүсэд нэг сая ам.доллартай болох нь тогтоогдсон С.Баярцогт энэ дансанаа хөрөнгө орлогын мэдүүлэгтээ мэдүүлээгүй, улсад татвар төлөөгүй нь тогтоогдсон. Үүнийхээ төлөө ч хариуцлага хүлээхэд бэлэн байгаагаа мэдэгдээд буй. Тэгвэл түүний энэ хэргийг АТГ шалгаж байгаа эсэхийг АТГ-ын Мөрдөн шалгах албан дарга Э.Амарбатаас тодруулахад, “Авилгын эсрэг хуулийн шинэчилсэн найруулгаар УИХ-ын гишүүн хүн хөрөнгө орлогоо санаатайгаар худал мэдүүлсэн, өмч хөрөнгөө нуун дарагдуулсан нь тогтоогдвол УИХ-ын Ёс зүйн дэд хороо шалгаж хариуцлага тооцох ёстой. Гэхлээ гэхдээ бид үүнийг маш сайн ажиглаж байгаа. Хэрэв Ёс зүйн дэд хороо мэргэжлийн түвшинд шалгаж чадахгүй, боломжгүй гэж үзээд манай байгууллагад шилжүүлбэл манайх шалгаад мэргэжлийн дүгнэлт гаргаж өгч болно. Үүний дагуу УИХ хариуцлага тооцож болно. Одоохондоо түүний хэргийг манай байгууллага шалгаагүй” гэсэн тайлбар өглөө.
Мөн хуульд зааснаар С.Баярцогтод сахилгын болон ёс зүйн хариуцлага л тооцох эрхтэй гэнэ. Тодруулбал, цалингийн хувь хэмжээг бууруулах, албан тушаал бууруулах гэх мэтийн хариуцлага тооцох ёстой аж.