МАХН-ын дарга Н.Энхбаярын хэрэгт холбогдуулан түүний төрсөн дүү Н.Энхтуяа, туслах Б.Хуяг нарыг олон улсын цагдаагийн байгууллага буюу Интерполоор эрэн суравжилж байгаа билээ. Тэгвэл тэдэнтэй хамт НИТХ-ын дарга асан Т.Билэгтийг Интерполоор хайлгахаар болсон тухай АТГ-аас мэдээллээ.
Т.Билэгтийн хувьд Н.Энхбаярт холбогдох хэргийг шалгаж эхлэх үед Америк руу эмчилгээнд явж байгаа гэх нэрийдлээр яваад одоо хэр нь сураггүй, хаанаа байгаа эсэх нь тодорхойгүй байгаа юм. Дашрамд дурьдахад, Н.Энхбаярын хэрэгт холбогдуулан түүний дүү Н.Энхтуяа болон Б.Хуяг нарыг Интерполоор хайх хэрэггүй гэж Хууль зүйн дэд сайд Э.Эрдэнэжамъян захидал бичиж, мөрдөн байцаах ажиллагаанд саад учруулсан билээ. Үүнийхээ хариуд тэрээр мөн АТГ-т шалгагдаж байгаа юм.