Архидан согтуурахаас сэргийлэх, хяналт тавих үндэсний хөтөлбөрийг хэрэгжүүлэх ажлын хүрээнд нийслэлд орон гэргүй тэнэмэл байдлаар амьдардаг иргэдийг нийгэмшүүлэхээр төрийн болон төрийн бус байгууллагууд хамтран хэд хэдэн төсөл хөтөлбөр хэрэгжүүлжээ. Тухайлбал, нийслэлийн Цагдаагийн газраас төрийн бус байгууллагуудтай хамтран өнгөрсөн оны арванхоёрдугаар  сараас тусгайлан ажлын хэсэг байгуулан энэ чиглэлээр ажилласан байна. Энэ хугацаанд нийслэлд тэнэмэл байдлаар амьдарч буй 695 иргэнийг илрүүлэн бүртгэлжүүлэхэд 70 нь хүүхэд байжээ. Мөн эдгээр иргэний эрүүл мэндийн үзлэгт хамруулахад дийлэнх нь сүрьеэ, амьсгалын замын болон зүрх судас, БЗХӨ, архинд донтох өвчтэй байсан гэнэ. Иймээс  сэтгэл зүйн эмчилгээнд хамруулжээ. Харин нийгэмшиж, ажилтай болох хүсэлтэй 150 гаруй иргэнийг сонгон авч, мэргэжлийн чиг баримжаа