Үгсэн хуйвалдаж, үнийн хөөрөгдөл үүсгэсэн нефть импортлогч найман компанид ШӨХТГ-аас 17 тэрбум төгрөгийн торгууль ногдуулсан. Энэ торгуулийн хэмжээг анхан болон давж заалдах шатны шүүхээс баталгаажуулж, Нийслэлийн шүүхийн шийдвэр гүйцэтгэх албанаас хохирлыг албан барагдуулж эхэлжээ. Нефть импортлогч “М-Ойл”, “Ойнбирж”, “Магнай трейд” компаниуд торгуулийн мөнгөнөөсөө барагдуулж эхэлсэн байна. Тухайлбал шүүхийн шийдвэрээр “Шунхлай трейдинг” компанийн зургаан шатахуун түгээх станцыг битүүмжилж, мөн тус компанийн 19 тээвртйн хэрэгсэлийн шилжилт хөдөлгөөнийг хориглосон байна. “Петро жамп” компанийн бенз маркийн машин, “Магнай трейд” компанийн Хан-Уул, Сүхбаатар дүүрэгт байрлах үл хөдлөх дөрвөн обьект, шатахуун түгээх гурван станц, конторын зориулалттай 12 давхар барилгыг битүүжилж, 30 ширхэг тэвэрийн хэрэгслийн шилжилт хөдөлгөөнийг хориглосон байна.
Түүнчлэн “М-Ойл” компанийн Баянзүрх дүүрэгт байрлалтай 5500 кв.метр талбай бүхий газар, мөн Lexus-470, Lexus-570 маркийн автомашиныг битүүмжилжээ. “Ойнбирж” компанийн Сүхбаатар, Баянзүрх, Налайх дүүрэгт байршилтай шатахуун түгээх дөрвөн станцын захиран зарцуулах эрхийг гуравдугаар сарын 1-нээс түдгэлзүүлсэн байна.