Баянзүрх дүүргийн Засаг даргын захирамжаар дүүргийн нутаг дэвсгэрийн хэмжээнд бүх нийтийг хамарсан их цэвэрлэгээг өнгөрсөн амралтын өдрүүдэд хийлээ. Уг цэвэрлэгээнд дүүргийн Засаг даргын Тамгын газрын алба хаагчид болон харьяа хэлтэс, албад, ерөнхий боловсролын сургууль, цэцэрлэг, их дээд сургууль, 28 хороо, 1010 аж ахуйн нэгж байгууллагын 8200 гаруй хүн оролцож 150 мянга 170 ам.метр талбайн хог цэвэрлэв. Энэ өдөр дүүргийн харьяа ажилгүй иргэдийг ажлын түр байраар хангаж, 389 иргэнийг Хөдөлмөрийн хэлтсээс цалинжуулан цэвэрлэгээний ажилд оролцуулжээ. Их цэвэрлэгээгээр аж ахуйн нэгж багуулллагууд ойр орчмынхоо 50 метр газар болон үерийн хамгаалалтын барилга байгууламж, гуу жалга, ус нэвтрүүлэх хоолойн ахуйн гаралтай хог хаягдал, хуримтлагдсан цас, мөсийг цэвэрлэж, нийт 75 удаагийн рейсээр ачиж хогийн цэгт буулгасан байна.