Сэлэнгэ аймгийн Гаалийн газраас энэ сарын 17-нд олон улс хоорондын эрсдэлтэй зорчигдын ачаа тээшинд шалгалт хийжээ. ОХУ-аас Иркутски-Улаанбаатарын чиглэлийн олон улсын галт тэргээр зорчин явсан Монгол Улсын иргэн Б нь хилийн чанадаас эх орондоо ирэхдээ Предуктал Триметазидин гэх эм 168 хавтгайг хууль бусаар оруулж иржээ. Нийт үнийн дүн нь 1,4 сая төгрөгтэй тэнцэх эм байж. Тухайн хууль бус үйлдэл нь гэмт хэргийн шинжтэй тул Цагдаагийн байгууллагад шилжүүлэн эрүүгийн хэрэг үүсгэн шалгуулж байгаа юм байна.