"Өдрийн сонин"-ны  2013 оны 04-р сарын 19-ний өдрийн дугаарт "Такси барьсан бүсгүй хүний наймаанд өртөх шахжээ" гэсэн нэртэй гэмт хэргийн шинжтэй нийтлэл гарсныг НЦГ-ын Гэмт хэрэгтэй тэмцэх газрын ажилтнууд шалгажээ.
Сүхбаатар дүүргийн 3-р хорооны нутаг дэвсгэрт байрлах Наран плазагийн зам дээрээс  иргэн С нь  такси барьж  суугаад гэртээ харих замд нь таксины жолооч эрэгтэй нь С-ийн гар утсыг булааж авч машиныхаа хаалгыг түгжин буулгахгүй “Нарны зам”-аар  авч явсан байна. Хохирогч машинаас үсрэн бууж зугтаж энэ тухай цагдаагийн байгууллага өргөдөл гарган, хүний эрхийг хамгаалах ТББ-д ханджээ.
    Цагдаагийн ажилтнууд гэмт этгээдийн унаж явсан гэх дугаар тодорхойгүй, мөнгөлөг саарал өнгийн машиныг эрэн сурвалжилж Дархан-Уул аймгийн харьяат А гэгч гэмт хэргийг үйлдсэн болохыг нотлох баримтаар тогтоон шалгаж байна. Гэмт этгээд хохирогч бүсгүйн гар утсыг бусдад зарсныг олж эд мөрийн баримтаар хураан авч мөрдөн байцаалтын ажиллагаа явуулж байгаа юм байна.