Төрийн өндөр албан тушаал хашч байхдаа улсын эд хөрөнгийг шамшигдуулсан хэргээр буруутгагдаж гурван шатны шүүхээс хорих ял сонссон МАХН-ын дарга Н.Энхбаяр Төрийн тусгай газрын хоёрдугаар эмнэлэгт хэвтэн эмчлүүлж байгаа билээ. Тэрээр ШШГЕГ, Эрүүл мэндийн яам, Прокурорын Ерөнхий газарт хандаж хүсэлт гаргажээ. Хүсэлтдээ, “Миний бие өнгөрсөн жилийн өлсгөлөнгөөс хойш сул дорой хэвээр байгаа бөгөөд мэргэжлийн эмч нарын комиссын хувьд удаа дараагийн дүгнэлтээрээ эрүүл мэндийн  шалтгаанаар ял эдлэх боломжгүй гэж гарсан. Энэ бүхнийг харгалзан үзэж, намайг эрүүл мэндийн шалтгаанаар хуулийн дагуу чөлөөлөх асуудлыг яаралтай шийдэж өгөх хүсэлтийг тавьж байна.
Мөн миний биеийг мэргэжлийн эмч нар гадаадад яаралтай явж эмчлүүлэх шаардлагатай гэсэн дүгнэлт гарсныг харгалзан үзэхийг хүсч байна. Н.Энхбаяр” гэжээ.

Мөн түүнийг эмчилж байгаа ТТГ-ын хоёрдугаар эмнэлгийн нэрийн мэргэжлийн эмч нарын зөвлөлгөөнөөс Н.Энхбаярыг Монголд эмчлэх боломжгүй, гадаадад яаралтай эмчлэх шаардлагатай гэсэн дүгнэлт гаргажээ.