Булган аймгийн Хишиг-Өндөр суманд Ардын намаас сонгогдсон Н.Мөнхгэрэл гэгч тус сумын иргэн Б.Түвдэндоржийг “Ерөнхийлөгчийн сонгуулийн өмнө Ардчилсан намыг дэмжлээ...” гэж түүний эрүүл мэнд, амь насанд халдсан хэрэг явдал энэ сарын 27-ноос 28-нд шилжих шөнө гарлаа хэмээн гүтгэлгийн мэдээ яваад байна. Гэвч бодит байдалд бол амь насаараа хохирсон гээд байгаа иргэн Б.Түвдэндорж өдгөө эрүүл саруул Улаанбаатарт явж байна. Тэгээд ч 27-ны орой буюу телевизээр АОХН-ийн сайд нарын бага хурлын нээлт гарч байх үед сумынхаа Иргэдийн хурлын дарга Н.Мөнхгэрэлтэй тааралдахдаа өөрөө халамцуу байжээ. Айлд тааралдангуутаа агсам согтуу тавих янзтай, биед нь хүрч налж унаад байхаар нь хүчтэй түлхсэн мэт явдал болсон бололтой. Үүнээсээ ч сүржигнэж эмч домч болсон юм байна. Хариуд нь зөөлөн эдийн гэмтэлтэй гэж гарчээ.
Ямартай ч, мэдээллийн хэрэгслүүдээр цацагдаад байгаа бүхэн сэтгүүлч Б.Цогтгэрэлийн хүн гүтгэсэн хэмээн яллуулсан кейстэй яг ижил. Тиймээс хүн алаагүй, АН-ын МАН-ын гэж намчирхаагүй хэр нь гүтгэгдээд байгаа Булган аймгийн Хишиг-Өндөр суманд Ардын намаас сонгогдсон Н.Мөнхгэрэл нь гүтгэлгийн мэдээллийг хууль хяналтын байгууллагаар шалгуулахаа мэдэгдсэн байна.