АНУ-ын Калифорнийн их сургуулийн эрдэмтэд нэрд гарсан 30 төрлийн уруулын будгийг судалж үзээд байнга хэрэглэвэл эрүүл мэндэд тийм ч сайн биш болохыг тогтоосон байна. Мэргэжилтнүүдийн хэлж байгаагаар бол уруулын будаг үйлдвэрлэгчид энэ бүтээгдэхүүндээ кадмий, хром, тугалга, мөнгө зэрэг хүний биед удаан хадгалагдах хүнд металл ашигладаг байна. Бүсгүйчүүд уруулаа хоногт 2-3 удаа буддаг бол тэр бүрийдээ хром идэж, улмаар ходоодын хорт хавдар тусах магадлалтай гэнэ. Энэ бүхний эцэст эрдэмтэд эмэгтэйчүүдийг уруулаа аль болох цөөн будаж байхыг зөвлөжээ. Би-би-си агентлагийн мэдээлснээр бол  америкийн стандартад бүтээгдэхүүний металлын агуулгыг заагаагүй байдаг бол европын холбооны нутаг дэвсгэрт металлын агууламжтай уруулын будаг худалдаалахыг хориглосон байдаг байна.