“Эрдэнэт” үйлдвэрийн ерөнхий захирал асан Ч.Ганзоригийг АТГ-ынхан шалгаж эхэлсэн тухай эх сурвалж хэллээ. Түүнээс гадна тус газрынхан үйлдвэрийн зарим хэлтсийн даргыг ч шалгаж байгаа гэнэ.
Одоогоос сар орчмын өмнө УИХ дахь АН-ын бүлгийн дарга Д.Эрдэнэбат “Манай намын бүлэг хуралдаж, хэд хэдэн асуудлыг хууль хяналтын байгууллагаар шалгуулахаар тогтлоо” хэмээн мэдэгдсэн. Тухайлбал, Таван толгойн нүүрсийг зах зээлийн үнээс хямдаар “Чалко” компанид нийлүүлэх гэрээ байгуулсан “Эрдэнэс Таван Толгой” компанийн тухайн үеийн захирал, Эрдэс баялаг, эрчим хүчний сайдад хариуцлага тооцуулах шаардлагатай. Мөн уулын баяжуулах “Эрдэнэт” үйлдвэрийн өртөг зэсийн үнийг дагаад өсч байгаа. Үйлдвэрийн борлуулж буй зэс болгоны орлогын гуравны нэгийг 170 сая ам.долларын өрөнд суутгаж байгааг олонхийн бүлгийн дарга хэвлэлийнхэнд дуулгасан. Тиймээс яагаад ийм их хэмжээний зээл авсныг тодруулах шаардлагатай учир “Эрдэнэт” үйлдвэрийн өмнөх удирдлагуудыг хууль хяналтын байгууллагаар шалгуулна гэж байлаа. Тэгэхээр “Эрдэнэт” үйлдвэрийн ерөнхий захирал байсан Ч.Ганзоригтой холбоотой хуудуутай мэдээллийг АТГ-ынхан УИХ дахь АН-ын бүлгээс гаргасан хүсэлтийн дагуу шалгаж эхэлсэн байх нь.